Nuusbrief No 2 – Goeie “Buurmanskap”!

Die Beheerkamer ontvang feiltlik daagliks klagtes van inwoners wat wissel van honde wat aanhoudend blaf, ‘n haan wat ontydig kraai, harde musiek in die middel van die nag, mense wat jaag in die strate en veral stoptekens ignoreer, ens.

Dit gebeur ook dikwels dat die arme persoon aan diens, hetsy in die beheerkamer wat die telefoonoproep ontvang, of die Reaksie Offisier wie aan die deur gaan klop, dit dan moet ontgeld. In beide gevalle is dit onbillik.

Die funksie en mandaat van die Vredekloof V e r b e t e r i n g s d i s t r i k e n d i e sekuriteitspersoneel is nie “wetstoepassing” nie, maar kan ons dit net soos in die geval van ‘n dooie straatlig of ‘n waterpyp wat gebars het, op u versoek aan die betrokke gesag wie daarmee handel, rapporteer.

Dit is juis hier waar goeie “buurmanskap” die lewe vir almal baie aangenamer kan maak. ‘n Goeie buurman sal:

– sy bure inlig (of uitnooi) indien hulle ‘n partydjie beplan
– op ‘n skaflike tyd die musiek afsit
– sy honde stilmaak indien hulle
– aanhoudend vir niks blaf nie aanbied om na sy buurman se honde te kyk indien hulle weg is!!
– ’n voorbeeld stel vir ander (en veral vir ons kinders) deur sommer net die basiese verkeersreëls te gehoorsaam
– begrip te hê indien my buurman aanbou en hy sy voertuie vir ‘n dag of twee in die straat moet parkeer.

Goeie “buurmanskap” is ook ‘n uitbreiding van ons sekuriteit deurdat ons sal weet dat die bure nie ‘n nuwe TV sou laat aflewer het nie, want hulle is met vakansie. Meld dus enige situasie of optrede wat abnormaal mag voorkom, onmiddelik by die Beheerkamer aan.

View full newsletter